30 November 2012

MIZOTE LEH SEX


(A filh thei ang bera, kan thupui ka phawk pha lo a nih pawhin, ramhuai zawlin ngai ka awh tihna ni teh se)



"Video cell phone hi silai mu thun sa ang a ni a, thluak puitling lo chungin kan khal a, saruakin mahni kapkar kan kap mek a ni" - "He ram lo thleng tur kan pa Diabola ram hi panin, cell phone tumkau kengin Mizote hian phurtakin mualphona kawngpui kan zawh mek a ni" tia Pu Vanneihtluanga au thawm hian, ka thling thlengin a'n phel ve tum hrang a.



A ni lah taka, vun ngo nun dan entawn a, kan hriat chhun leh a tha lo lam sex thlah zalen Hollywood star-te ianga kan society hi thiam taka kan sawisak chuan, kan tisual chhia va ang. He nuna tuihalna thlarau ngei mai hian, Sodom a lo hrai rui tawh a. Tin heti hi a ni a, chu ruihna tenawm chuan Zoram pawh hi Sodomism ah a hruai lut tan ta!!!



Thalaite'n tlei kan duh a, kan thlang sual ta a ni. Tunlai fashion hmanga inawmtlei kan tum a, kan ti zuih a, kan ti arh a. Kan tlangvalte dawr a fual rualin, nulate kap chhak chim chin a sang nghal si a; a fual leh a chhing hian remchanna a siam pawh ni ta fa hmiang kan ti a ni lo. A fual, a fual belh zel a, a kawmawd kalvart a lan ruih tawh chuan, a chhingin a chhin belh ang a. A hnuai hak hlip thlaa, malte zum a thlen meuh chuan, theipui hnah kan hmatheh ve hun a thleng thei kan ti a ni zawk. I harh em? I harh lo a nih chuan, i thu thu le.



Hei hi le...!! Nu tam takin a ruka hak an chak, a taka an hak ngam si loh an fanute an bel a. Pub/party dress-a an fanute cheiin, khawtlhlang nun an lenpui dawklak a, an dawklak hlen ta a ni mai lawng maw? Fashion changkang inbel nia kan inhriatna phen a sex symbol/sex appeal lantir hreh lo nula te hian, a khai fual tawh phawt chu chil puta siam hi pawi an ti lo satliah a ni lo, ropui leh mawi riau ah an inngai ta zawk a ni.



A ni asin, stoking haa kawrfual laklawh tak nena khawlai kan mawi hian, kawng laka tlangvalte chil hák chuan, a sâwn zawnga hmangaihna han hlan leh cell phone video tumkau kenga hmeichhe kapkar panin kawng kan zawh tir a ni lek fang. He lei khawvel dana nung Zoram thalaite, kap chhak leh kap kar pawh zahpui thiam tawh lo kan vulh lian phah ta reng a ni.



Ven ngai kan venna hi a lo chhing uchuak ta deuh a nih pawhin, sual a pai thui lem lo ang. Mahse, mahse kan ti a nih chu...fianrialah ram ri pel pela ralthuam a chetmawi loh rual chiahin, buaina namen lo leh 'Eden huan uniform' ha-in kan awm phah fo ta a ni. Chu chuan a hrinchhuah awm chhun chu, sex video chiah a ni.



Inneihna hian sex chhuan lum loh min hlui laiin, inneih hmaa sex kan hmang lo thei lo a nih pawhin tia Kawhtebel (condoms) hman kan la nilai zan thupui te hian, sex thianghlim aimahin mahni chakna awlsawm zawka puitlinna leh thiam taka 'chi thlauh' min zirtir a ni lek fang a ni lawng maw? te kan ti a ni.



Tih tak meuhvin ka hrilh a che u...tih hluai ka tum lo. Ka han chhût ka han chhût a, sabengtung tuma la chuan lohna Messia'n Jerusalem luh nana a thlang tlat ang khan, tuma la chuan lohna hmeichhia nupui atana thlang tlat kan nih zawngin, hmeithai zinga zang zawng ang mai kan nihte pawh a rinawm ta e!! A mak hran lo...



Mizo kristiante hi Sap nun zira vanram rochun tum kan ni a, a pawina a awm lem lo. Chutih rual chuan, a nâka ka zen phawt loh chuan tia sex thlah zalen an nihna kan copy tel a nih erawh chuan, Kaisara thila kan ngaihsak ngam erawh kan mawh a ni.



Hetia kan sawi chiam chiam hian, a reh thut dawn tihna a ni chuang lo. Kan awmdan leh nih dan kan inpawm a, kan sual kan pawm a tul a ni. Liani leh Liana hian sex video an siam avangin, an sual teh hluai tihna a ni chuang lo-an pahnih phalna a nih phawt chuan. Amah erawh chu, kan release hluai ta thin hi a sual tam ta thin a ni zawk. Chutiang a nih si chuan, hetiang hian kan sermon tlip dawn teh ang...



A dik, hei hi kan pawm ngam a tul. A damna leh a dam hlenna chu NANGMAH ah khan a awm a ni tih hai lul suh. I saruak thlalak pakhat leh sex video pakhat lek khan chhungte leh i tu leh fate i rekhlum thei tih hriain, damna changtu hmasa ber lo ni la. I dam chuan chhungkua a dam ang a, chhungkua a dam chuan khawtlang a lo dam bawk ang a. Khawtlang a lo dam chuan, ram a dam dawn a lo ni.



Chutiang ti ngam leh pen ngam Mizo thalai huaisen, dam leh tlang khatah, thih leh ruam khatah ti thin hnam zingah kan zawng zel a ni...



How worst you start your life, if the ending is good it's Okay...we don't judge you by one mistake....

6 comments:

  1. An incheina a sexy zawh poh leh a hmuhnawm a ni mai. Hmangaihna leh nungchang mawi hmanga mipa hip tumna aiin mahni taksa mawina phochhuaka mipa chakna chawk tho zawnga mipa hip an tum anih ngat chuan, a tawpna chu sex a ni mai. Tisa itna hian hmangaihna a keng tel miah lo tih hi hmeichhe tam tak hian an hre ta lo emaw ni chu aw tih mai a awl ta.

    ReplyDelete
  2. sexx?? it all depends on the person

    ReplyDelete
  3. you are absolutely correct, but kan inzirtira kan inhrilh erawh mihring nihna a ni.

    ReplyDelete
  4. Kei pawh hmeichhe incheina hian ka mit a tikham rei tawh. Pawngsualtu sazu tan rawt tute hian an chhungte tawrh tur ni ta se an phal angem le. A thu hrimin, kan pian phungah mipa te hi hmeichhiate ai chuan tisa chakna sosang awl zawk leh a bul nupa nunah pawh a bul tantu dinhmunah kan dinga, chutiang chu Pathianin min siam phung a nih hi tunlai kan hmeichhiate hian a hre hneh tawh lutuka, an taksa mawina hmanga min hneh hi an tum lutuk a ni awm mange te ka lo ti ve mai mai thin a.

    ReplyDelete
  5. "Inneihna hian sex chhuan lum loh min hlui laiin, inneih hmaa sex kan hmang lo thei lo a nih pawhin tia Kawhtebel (condoms) hman kan la nilai zan thupui te hian, sex thianghlim aimahin mahni chakna awlsawm zawka puitlinna leh thiam taka 'chi thlauh' min zirtir a ni lek fang a ni lawng maw? te kan ti a ni."

    Hei hi i sawidik kan ti dawn nge i ziakdik zawk ka thlawp e. Mizo zingah intih tunlaina hian kan hnam a eiral mek a changkang si lovin kan inti changkang a .......

    ReplyDelete