25 April 2012

Ms-i Tan

Hmanah chuan e-

Hawilo par zai tin thiam,
Zofa leng thawi dam tu,
Aw rawl hnuntui a thlum ngei e,
Lengzawngte chiar nghianin,
Awih lai nau ang nui za e.


Awih lai nau ang nuih za lai chuan e-

A khi ramdai Ngirtling iangin,
Nau hnáwn aw rawl dai zo ta,
Thliah loh hawilopar chuai e,
Par zai reng rel tawh dawn nem maw?
Ridim khuavel hnuchhawn zo ta e.
Ridim khuavel chhuahsan chuan maw-

A khi chhun kal Turnipui,
Ka chung Zan kal Lalnu Chhawrthlapui,
A saw tlangsang Luite tui damdiai leh,
Virthlileng zawng nen,
Kal lai kham e an ti.

Kal lai kham chuan in e-

Ka hringnunin ngawih chuhin,
Thinlung mittui luang del e,
Beisei bo beiseina chuan,
Duhthu aiang samin,
Kir zai rel dawn lawm ni?

5 comments:

  1. Hla phuah i va thiam ve. A thluk i siam nghal em? A hlathu lah a ril em em lehnghal. A tha hle mai.

    ReplyDelete
  2. I rilru i sawi chhuak thiam hle mai.

    ReplyDelete
  3. @sir caribou, ka siam thiam ve lo a thluk.

    @Pu H.V, ka lawm e.

    ReplyDelete
  4. I phuah thiam hle mai. Kei zawng, hla lam hi ka chemkalna pawh a ni lo ve! Tluk loh rim i nam ṭhin.

    ReplyDelete
  5. Thanks for one's marvelous posting! I seriously enjoyed reading it, you're a great author.
    I will be sure to bookmark your blog and will often come back in the future.
    I want to encourage you to continue your great posts, have a nice
    weekend!
    http://bit.ly/13jRpqN buy youtube likes

    Feel free to visit my web-site ... youtube views
    Also see my web page > youtube views

    ReplyDelete