23 January 2012

Ropui takin he Vawk In hi ka hawng e

(Kumthar Chibai phawt u le)
Old stone Age hnungkhirhin, Computer Age ah min tlat tir a. Computer hmanga Rawra chhut kan thiam hman tep a, Mengrei Generation ah min siam dër a. Change Generation-ah min hnuk lut leh a, Mengrei generation te zing taka thawha insawizawi ai chuan; a zawi saa thawh nuam ti vek kan la ni tih ka tum.

….Ang
Nikumah ni 365, kum inah ni 366…Eng thil nge thleng ang?
1. Sex Video leak a awm leh ang.
2. Vai pathian kan be tawh lo ang.
3. Zaithiam aiin zai thei kan tam leh ang.
4. Kum a thar a, kan nun a thar leh chuang lo ang.
5. Facebook kan atchilh a, kan in Sazu leh Zawhte thlengin Account kan hawng ang.
6. MLA inthlan a hnai sawt a. NLUP leh MIP Nghakuai chaw angin min awhthik leh ang a. Kan ei rual rualin min phihawk ang a, an duh dan dan in min kang RO leh ang.
7. Prai mister (Prime Minister tihna) in Pakeis kan rawn siam ang..Kan sawrkar tuk atangin NLUP kan sem dawn a..A lo berah Rs. 1,00,000 in Rahbi kan tuksak ang..an ti zo chiah tihin,“Term khat chhungin kan sem zo vek ang vawikhat mah kan ti lova. Tin, cheng nuai khatin kan sem ang tih kan sawi ngai lo”min tihsan leh ang.

Hawng to Khar…
1. Referral Hospital kan KHAR ang a, Ayush Hospital kan HAWNG ang.
2. Gospel camping kan lut leh ang a. Piantharna-in kan nun kan HAWNG ang a, dákna in kan KHAR leh ang.
3. Fiara Tui pahnih kan neih hi pakhat kan HAWNG ang a, pakhat kan KHAR ang.
4. Sum lakluhna kan HAWNG ang a, chhungkua ngaihsakna kan KHAR ang.
5. Mizoram dil lian leh lar ni a kan chhal Rih Dil Burma rama awm si hi, Mizoram ta (HAWNG) nge, Burma ta (KHAR) zawk?
6. Hnam dangin min pawngsual (HAWNG) leh mai thei, kawng kan zawh (KHAR) leh mai thei
…tih pawh ka tum mai thei.

Thusawi ropui lo te…
1. NLUP Rs. 1,00,000 hi, Cheng 1 comma bial bial comma bial bial bial.
2. Kuch kuch haw ta hai chu Mizotawngin,“Ka nu tlemin min ngaihsak deuh la chuan, ka lerh loh mai bakah min pawngsual kher lovang” tihna.
3. October thla chu “Khuangchawi thla” a ni a, December thla chu“ Hur thla”
…sawi ve tawh rawh u.

Ka hawng e…
Hawn kan va uar em…!! In chhe të kan sa a, kan hawng a. Kawng zim të kan lai a, kan hawng leh a. Pro fight kan nei a, Opening ah kan MLA a tel a. Closing ah CM a tel leh a. Mizo Idol kan thlang a, an khaw thlengin kan CM in a zui bawk a. Tel pui zel tur hian kan phût zawk em ni?
Nakinah phei chuan Ar in, Vawk in leh Septic Tank thlenga kan MLA te min hawn sak kan la phut ang. Hawng leh lungphum phum turin hun kan hmantir tam a, function apiangah min tel pui kan la phut zel a. Hnathawk hman lek lovin kan siam ang tih a hlauhawm ta.
Hun lo la awm zel tur thlir in, kan la tih tho tur a nih hmel si a. In hmuh lem loh, ka hmuh kan kawmthlang Vawk in chhe ve tawh tak hi mi ten hlawkpuiin chhawr tangkai dawn lem lo mah se; hawnna neih ka duh a. Kei zawlnei der leh mimawl lulawk hian, ROPU…I TAKIN HE VAWK IN HI KA HAWNG E.
(Clap…clap…clap.)

21 comments:

  1. Blog leh comment test nân...

    ReplyDelete
  2. MIsual ah ka chhiar tawh a, chhiar chhuak kher tawh lo mai ang. I blog hi ka len hnemna tur a ni dawn tlatin ka hria :)

    ReplyDelete
  3. @Zaia, ka lawm e. I lo leng zel dawn nia.

    ReplyDelete
  4. I hawng har hle mai...Pu Sandman hi i hawntir lo nihkha mawle....

    ReplyDelete
  5. @marvinic, hei ka'n ti ve chhin a nih hi. I lo leng thu thin dawn nia.

    ReplyDelete
    Replies
    1. Tha deuh a i kal theihnan ka duhsakna ka hlan ache...

      Delete
  6. Welcome to Blogger world!

    I hmang tangkai viau ang le...

    ReplyDelete
  7. A bul tanna a fuh e. Tang zel rawh.

    ReplyDelete
  8. Test na zawng zawng te khi test na tlak an ni em tih test nan ka han comment ve e. Ha ha ha.
    Pui dawn hle mai. A dang chhuak leh zel tur nghak in kan lo thlir thuap e.

    ...khrum

    ReplyDelete
  9. I va ngaihtuah chhuak tha hlawm ve!..Dik hmel hlawm khawp mai..

    ReplyDelete
  10. Ka rawn lut ve hman ta chiah e. I blog chu thlir a hahdam thlap mai, a buai nuaih lova!!!

    ReplyDelete
  11. @sheldon, rawn leng fo ang che aw.

    ReplyDelete
  12. I rawn zawlnei lut ngawt elaw hahaha. Keep it up

    ReplyDelete
  13. Hhahahaha... blog a awm hi chu vannei hi ka inti khawp mai, hetiang thuziak zangkhai lutuk leh tha zet si han chhiar mai tur awm thin hi.

    Ka rawn leng lut fo teh ang

    ReplyDelete
  14. Er Beethugs, teh reng mai. Rawn leng fo teh khai.

    ReplyDelete
  15. Pu H.V nia hei. Ka rawn zawlnei der lawk a nih hi hahaha

    ReplyDelete
  16. ' ...zing taka thawha insawizawi ai chuan a zawi saa thawh' tih hi ka lawm lutuk, hahaha! Nang ang zawlnei hi kan mamawh alawm.

    ReplyDelete
  17. Mesjay, ka la rawn zawlnei der zel mai thei a nia..lol

    ReplyDelete